Kaari ka meru narua kauga twite ki gwetu. Mbithirite nkiiriria kwandika na kiimeru kagita gakaraja indi narua ndauga kaba kiigwetu. Ntienda kuriganirwa naria mbumite, muno muno ngono iria kwagonagirwa ni bajuju. No ngwirue muno twana twakwa twina kamweke ga kuigua ngono cia kamankura. Narua nkabugonera rugono rwa ‘Kanungucia’.
“Gwata Rugono”
Tene muno kwari na kaana getagwa kanungucia. Kanungucia akaraga na juuju wawe. Ni kwari na mbiti ciarijaga antu muno. Ntuku imwe juuju oo kanungucia etire muundene atiga aingirite Kanungucia nyomba. Aramwira kinya agetwa akeja gwitika. kanungucia agutigwa mbiti ireja.
Mbiti:”Kanungucia”,
Kanungicia: “wooee”
Mbiti: “Ndugurira”
Kanungucia: “Nimbi ukwenda”
Mbiti:”Ni kaguru kau gaku kwenda”
Kanungucia ararugura, mbiti irajukia kuguru kumwe. Juuju wa kanungucia akwija arethira atina kuguru kumwe. Aramwira atikarugure mwali kairi. Ruunene areta mugundene kairi, mbiti ireja.
Mbiti:”Kanungucia”,
Kanungicia: “wooee”
Mbiti: “Ndugurira”
Kanungucia: “Nimbi ukwenda”
Mbiti:”Ni kaguru kau kangi gaku kwenda”
Mbiti irajukia kaguru kau kangi. Juuju wa kanungucia akwija ethira atina maguru jonthe. Aramukania kairi aramwira atikarugure mwali kairi. Ruunene areta mugundene kairi. Mbiti ireja.
Mbiti:”Kanungucia”,
Kanungicia: “wooee”
Mbiti: “Ndugurira”
Kanungucia: “Nimbi ukwenda”
Mbiti:”Ni kajara kau gaku kwenda”
Kanungucia ararugura mbiti irajukia kajara. Juuju owe arethira kanungucia atina njara imwe. Aramukania kairi atigetike etwa. Runene areta mugundene kairi na mbiti ireja.
Mbiti:”Kanungucia”,
Kanungicia: “wooee”
Mbiti: “Ndugurira”
Kanungucia: “Nimbi ukwenda”
Mbiti:”Ni kajara kau kangi gaku kwenda”
Mbiti irajukua njara iu ingi. Kanungucia aratigwa ati njara kana maguru. Juuju oo kanungucia areja arethira kanungucia narirwe njara ciothe. Aramwira atikarugure mwali kairi. Areta mugundene runene kairi na mbiti ireja.
Mbiti:”Kanungucia”,
Kanungicia: “wooee”
Mbiti: “Ndugurira”
Kanungucia: “Nimbi ukwenda”
Mbiti:”Ni kiongo giaku kwenda”
Mbiti irajukia kiongo and kanungucia arakua. Rugono rurathirira au..
Hope you’ve enjoyed. If you understand the language write the moral of the story.
Cheers